உலகம் முழுவதும் 30 நாடுகள், 3000 திரையரங்குகளில் ‘ஜனநாயகன்’ பிரம்மாண்ட ரிலீஸ்

தமிழக முதலமைச்சர் விஜய் முதன்மைப் பாத்திரத்தில் நடித்துள்ள ஜன நாயகன் திரைப்படம் வருகிற ஜூலை 23 அன்று திரைக்கு வரவுள்ளது.

தணிக்கை செய்வதில் ஏற்பட்ட நீண்ட தாமதத்தின் காரணமாக இந்தத் திரைப்படத்தின் வெளியீடானது சுமார் 7 மாதங்கள் வரை தள்ளிப்போனது.

இந்தச் சூழலில் பல்வேறு எதிர்பார்ப்புகளுக்கு மத்தியில் இத்திரைப்படத்தைப் பார்வையிட்ட தணிக்கை வாரியம் இதற்கு இறுதியாக ஏ சான்றிதழ் வழங்கித் தனது ஒப்புதலை அளித்துள்ளது.

சி.

ஜோசப் விஜய் மாநிலத்தின் முதலமைச்சராகப் பொறுப்பேற்ற பிறகு வெளியாகும் இறுதித் திரைப்படம் இது என்பதால் இதன் மீது மக்களிடையே பெரும் எதிர்பார்ப்பு நிலவுகிறது.

இத்திரைப்படம் அவரது திரையுலகப் பயணத்தின் இறுதிப் படைப்பு என்பதால் இதனை உலக அளவில் திரையரங்குகளில் வெளியிடத் தயாரிப்பு நிறுவனம் விரிவான திட்டங்களை வகுத்துள்ளது.

இதன்படி தமிழகம் முழுவதும் உள்ள சுமார் 1000 திரையரங்குகளில் இத்திரைப்படத்தை ஒரே நேரத்தில் வெளியிடுவதற்குத் தேவையான அனைத்து ஏற்பாடுகளும் செய்யப்பட்டுள்ளன.

அத்துடன் உலகளாவிய அளவில் 30 நாடுகளில் உள்ள சுமார் 3,000 திரையரங்குகளில் இத்திரைப்படம் திரையிடப்பட உள்ளதாகத் தயாரிப்பு நிர்வாகம் அதிகாரப்பூர்வமாகத் தெரிவித்துள்ளது.

இத்தகைய பிரம்மாண்டமான வெளியீட்டுத் திட்டமானது தமிழகத் திரையுலக வரலாற்றில் ஒரு புதிய சாதனையாகக் கருதப்படுகிறது.